روايه انا وش ذنبي

البارت الاول:

روايتي
تحكي قصة عائلة من اثرى عوائل المملكة , تملك اكبر المعارض والمصانع في
صناعة الاثاث داخل وخارج المملكة ,وتسكن في ثلاث قصور اسطوريـه مسورة بسور
واحد ,قصر الاب وعلى جانبية قصور ابنائة

في بيت ابو نوف مشعل الابن الاوسط
الساعة 2.5 صباحا
الكل نايم
ولكن في
جناح كبير يكسوة اللون البنفسجي مكون من صالة واسعة مغطاة بالونين
البنفسجي و السلفر بشكل متناغم وباثاث من ارقى انواع الاثاث المصمم خصيصا
لها , وغرفة مكتب يفوق عليها الطالبع الانثوي المميز بالوان التدرج
البنفسجي وغرفة تبديل الملابس الصخمة المرتبة ترتيب دقيق جدا حسب الالوان
والاحجام والاغراض , والغرفة الرائيسية المبهرة بكل معنى الكلمة المميزة
باعمدة من احواض السمك الكبيرة

كانت نوف قاعدة على سريرها الدائري الضخم المميز بلونة البنفسجي الفاتح :, وتفكر كعادتها في هالوقت
تفكر في حياتها البائسة حياتها الي خلتها تفقد امها وهي بعمر 6 سنوات وما قد حست انها لها ابو ابدا
امها
تطلقت من ابوها وقطتها عليه وراحت تزوجت واحد ثاني وابوها بحكم شغلة الى
هو مسئول عن مصانعهم وشريكاتهم الي خارج المملكة ما تشوفة الا بالشهرين
والثلاثة مرة , عايشة بالبيت لحالها مع الخدم انتشلها من اعماق تفكيرها
صوت نغمة جوالها ,
طالعت بالشاشة وشافت المتصل الخبل 4
ضحكت وقالت بقلبها<هذا الي مونسني بهادنيا>
رفعت الجوال وهي تتصنع الزعل
نوف: الو
نايف: ياحي هالصوت والله, شفيه الحلو ما رد علي امس
نوف: زعلانة
نايف: زعلانة ليش؟؟؟
نوف : عازمتك امس على العشاء وما جيت
نايف: (اف
نسيتها هاذي الواحد تفكيره وين ولا وين, بس هين بقلب السالفة عليها) ,
انتي خابرة امي تعبانة , وامس طاحت علينا وديتها للمستشفى قالوا بيسوون
لها عملية بالشي الفلاني بس الله يعين شن سوي
نوف : ( كاشفة هالحركات من زمان ياحبيبي) افا عليك بيبي امر تدلل كم تبي بس
نايف: (شكلها ظبطت السالفة) والله يقولون العملية تكلف 30 الف ريال
نوف: افا عليك بس 30 الف وش تسوى عندي كني شاريه فيها جزمة
نايف: خير

نوف : اللي سمعتة , انا اعطي بمزاجي ما احب احد يطر عندي ولا يستغفلني لا يا حبيبي اصحى , ولا نسيت شقد صرفت عليك لحد الحين
نايف : شفيك حبيبتي هدي اعصابك , يهون عليك حبنا ينتهي كذا
نوف : أي حب , نكذب الكذبة ونصدقها, انسى كل شي ولا عاد تتصل ثاني مرة طراااااااااااخ
نوف : اف انا ليش عصبت بنفسي لهدرجة بس احسن يستاهل

))
نوف>>) البنت الوحيدة لمشعل عمرها 19 سنة تدرس اول سنة جامعة تخصص
انجليزي , تتمتع بجمال موب طبيعي طولها متوسط مائل للطول وجسمها يشبه
لعارضات الازياء وعيونها كبار مكحلة وانفها زغنطوط وشفايفها توتي وشعرها
اسود سواد الليل يوصل الين نص فخذها )

وفي نفس هالوقت في قصر الجد ناصر ابو فهد

خالد توه قايم من النوم اخذ دش واستشور شعرة الي يوصل الين رقبتة مدرج معطية شكل جذاب قعد يراجع شوي لانه عندة اختبار

((خالد)<
الولد الثاني لام عبدالله سارة عمرة 21 سنة رابع طب , طويل جسمة رياضي ضخم
شوي عيونة فيها لمعة برائة جذابة رموشة كثاف في غمازتين وجهه طفولي وشعرة
الين رقبته مدرج ))

طق طق طق
خالد : عبود ادخل
دخل عبد الله: شدراك ساحر
خالد وهو منزل راسة على الكتاب الي بيدة : هه اعرفك من بعد 1000 كيلو
عبد الله ابتسم على اخوة الي يحبة من قلب: يلا قوم توضى شوي ويذن الفجر ما نبي نتاخر
خالد: أي والله صادق يلا ثواني واخلص
طلع عبد الله وسكر الباب وراه : الله يوفقك ان شاء الله
((عبد
الله)< الاخ الاكبر لخالد عمرة 23 سنة يدير معرض من معارض مؤسساتهم ,
طويل جسمة اضعف من خالد شوي ملامحة حادة في غمازية على خدة اليمين ))

ام عبد الله (سارة) تصحي بنتها: ريم يلا قومي بياذن الفجر
ريم : ان شا الله يمه خمس دقايق
ام عبدالله : ريوم يلا عاد بسرعة , ابي افهم هالمنبة الي حاطتة شفايدتة وهو مايقومك
ريم: خلاص يمة قمت قمت
ام عبدالله : هههههه عفيه على بنيتي الامورة

((سارة)<
ام عبدالله ارملة زوجها متوفي من 6 سنين عايشة هي وعيالها عند ابوها ,
كانت مصممة ازياء ومن بعد وفاة زوجها زاد عليها الحمل فحبت تتفرغ لعيالها,
محافظة على شكلها عمرها 41)

((ريم) اصغر بنت لسارة عمرها 17 ثاني ثنوي علمي , متوسطة الطول دبدوبة شوي بيبي فيس تشبة خالد لحد كبير)

نزلوا عبدالله وخالد تحت وشافوا جدهم وجدتهم يتقهوون سلموا عليهم وحبوا روسهوم
عبد الله: شلونك جدي
ابو فهد: الحمد لله يلا يا عيال مشينا للصلاة
خالد وعبدالله : يلا
ام فهد: عسى الله يوفقكم ويصلح حالكم يا عيالي
خالد وعبدالله: امين

((ناصر)
ابو فهد رجال حازم وشديد والكل يحترمة ويخاف منة , بس الي يحبهم يعاملهم
بحنان وعطف, صاحب المؤسسات والمصانع الي يشتغلو فيها عياله)

((شيخة) ام فهد انسانة طيبةو حنونه بكل ما تعنية الكلمة تموت بعيالها واحفادها وما تطيق احد ياذيهم بكلمة ))

الساعة 6 صباحا في بيت فهد ابو الوليد الاخ الاكبر
كان ابو الوليد يتصفح الجريدة ويشرب قهوتة الصباحية
ابو الوليد: مريم قومتي البنات
مريم( مديرة المنزل) : هلأ بأعدون طال عمرك وراحت
ابو الوليد: لحظة انا قلت لك روحي
مريم (خافت): شو طال عمرك تامرني بشي تاني
ابو الوليد: لما اتكلم توقفي لين اخلص كلامي , كم سنة تشتغلين هنا ما عرفتي طبعي
مريم : اسفة
ابو الوليد: طيب انتهينا وين عمتك
مريم : سافرت امس علندن
ابو
الوليد: أي صح نسيت وهذي كل يوم مسافرة ليش ما تهجد وتربي عيالها , وش
هالحالة هذي انا الغلطان الي مخليها على كيفها وقام وراح لشغلة

((فهد) ابو الوليد متزوج من بريطانية لما كان يدرس برا , انسان حازم وعصبي عمرة 47 ))

((جوليا) ام الوليد عمرها 45 , انسانة جميلة بمعنى الكلمة طويلة محافضة على جسمها عيونها خضر شعرها اشقر الين كتوفها))

مريم: اف وانا شودخلني ازا ما بيعرف يزبط مرتو شو هالعالم
نزل الوليد من على الدرج: صباح الخير
مريم بقلبها(كملت) : صباح النور
الوليد: لا يكثر قوليلهم يجهزون فطوري
مريم: جاهز طال عمرك

((الوليد) عمرة 21 سنة في ثالث سنة تصميم داخلي, جذاب جدا طويل جسمة رياضي عيونة خضر وشعرة بني فاتح)
راحت مريم تقلول للخدامة الخاصة بالتوام انها تقومهم
لقت عهد على التسريحة تضبط أخر لمسات مكياجها الصباحى
عهد: توك تجين كان نمتي احسن ما تشوفين الساعة كم
الخدامة "سوما" : ام سوري مس أهد
عهد: يا ربي هذي فاضية احسن قصيلي قصة حياتك, يلا قومي هالخيشة موب متخيلة اننا تاخرنا
شهد : اف خلاص كل هاسنفونيه عشان اقوم
عهد: سوما قولي حق كومار يجهز السيارة , مالي دخل فيها لو بنطرك ما راح نوصل بكرة
شهد: احسن انقلعي

((شهد
وعهد): عمرهم 17 سنة يصيرون خوات ريم بالرضاع ثاني ثنوي علمي , طولهم
متوسط واجسامهم متناسقة وشعرهم اشقر الين كتوفهم يتشابهون بكل شي عدا
عيونهم عهد لون عيونها عسلي وشهد خضر))

البارت الثاني

صباح يوم السبت

في مدرسة البنات
عهد: اف حصة وراء حصة متى اخلص وافتك
ريم: يلا هانت كلها سنتين
شهد: اصلا كلة منك انتي لا تكلمين
ريم: انااا
شهد: لا جدتي
ريم: ليش؟!
شهد: انتي الي خليتينا ندخل علمي ولا حنا وش لنا بالغثا
ريم: يا سلام محد ضربكم على ايكم انتم الي تلاحقوني
شهد: بعد شنسوي نحبك
ريم:ههه ادري
عهد: لا تصدقين نفسك مو عشان خشتك نبيك تغششينا
ريم: هههه طول عمركم مصلجية
عهد: الله لا يحرمنا من براشيمك
ريم وشهد: امين
عهد: اف شوفو من الي جا
ريم وشهد: لااا ابلة فرعون
المدرسة: السلام عليكم
البنات: وعليكم السلام ورحمة الله وبركاتة
الاستاذة : ها شلة بنات الراشد هادين على غير عوايدكم اليوم عسى ما شر
ريم: لا ابلة ما شر بس داخة شوي
عهد: وانا لايعه كبدي
الاستاذة: ماتبون تعرفون درجاتكم في اختبار امس
شهد: جاك الموت يا تارك الصلاه
عهد: الله يعين
وبدات الاستاذة تقول درجات البنات الى ان وصلت
الاستاذة :ريم منصور الراشد
ريم: نعم ابلة
الاستاذة: 8 من عشرة ممتازة ما توقعت منك
ريم: لا افا عليك ابلة اعجبك انا
عهد وشهد: ههه مو من زود شطارة هالدجات
الاستاذة: شهد فهد الراشد
شهد: نعم ابلة
الاستاذة : صفر من عشرة
شهد : ادري ليش الفضايح يعني
الاستاذة: لا متعبة عمرك جاية تاخذين الورقة بعد شتبين فيها كلها اخطاء,
وكملت: عهد فهد الراشد
عهد: هلا ابلة
الاستاذة : نص من عشرة
شهد: ها من نين جبتي هالنص
عهد بجدية: بسم الله علي لا تصكيني عين
شهد: اعترفي بسرعه المراقبة كانت حاطة علينا شلون قدرتي تغشين من ريم
عهد: سم الله علي ما غشيتها حليتها بروحي
ريم:ههه شوي شوي لا تهاوشون عشان نص درجة
عهد: أي من قدك جايبة 8,
شهد: خلاص فكونا من هالسيرة

في مكان اخر

كانت نوف قاعدة في كافيتيريا الجامعة
سحر: اف طفشت
نوف: أي والله حتى انا
سحر: شرايك نسحب على باقي المحاضرات
نوف : فكرة بس وين نروح
سحر: لحدا هالمجمعات بعد وين بنروح
نوف: لا هالحزة ما في احد
سحر: موب لازم في احد نفرفر ونغير جو
نوف: يلا اجل بدق على السواق

في نفس الوقت في مكان اخر

الوليد: يا الله باقي نص ساعة على محاضرة الغثى
محمد: وش الله حادنا نقابل وجهه , شرايكم شباب نروح المملكة
طلال: أي والله فكرة , يوسف مالي خلق اسوق بنروح بسيارتك
يوسف : افا عليكم صار. مشينا
الوليد: لا انا مقدر بروح البيت ارتاح مانمت امس
طلال: ليهـ عسى ما شر
الوليد: لا ما شر وحدة فاصلة تكلمني الساعة 4 شسويلها
طلال: ههه دامها بنت عذرتك
يوسف: يالله خلصوني
محمد وطلال: يلا

في المملكه
سحر ونوف يتمشون
سحر: اف تعتبت من الفرارة
نوف: اوك خلص امشي نقعد بهذا الكافي
سحر: يلا
وقعدوا في قسم الشباب لانوما في احد
دخلو شلة شباب
سحر: اف اف نوف شوفي الطخوم الي وراك
نوف : وين
سحر: هذولا شفيهم
ومن جهت الشباب
محمد: يوسف شف البنات الي يطالعونا
يوسف: أي أي شفتهم
طلال: شتناظر انت وياه
محمد: الزين الي وراك
طلال: ههه , وانت وياه مصدقين هاذي تناظرني انا لحظة
طلال: يا حلو ممكن تفتح البلوتوث
سحر: اكيد
طلال: مو انتي الي جنبك
نوف: ههههه طيب

في بيت الجد
كانو البنات متجمعين على مبارات الهلال والنصر الا بدخول عبدالله
عبدالله: عسى ماشر مجتمعين عند التلفزيون
شهد: تعال تعال شوي وتبدا المباراه
ريم: ههه مستحيل عبدالله يهتم بالمباريات وهالسوالف
عبدالله: أي الحمد الله على العقل بس
عهد: أي والله هذا تخصص خلود, دقوا عليه
يرن جوال ريم المتصل خالد
خالد: الو
ريم: ههه الطيب عند ذكرة
خالد: ليش تحشون فيني
ريم: ايه
خالد: ما علي منك المباراه بدت
ريم: لا باقي شوي
خالد: يلا انا جايب خرابيطكم وجاي
ريم: اوك لا تتاخر
عهد: ها جاي
ريم: ايه
شهد: وما نسى الاكل اهم شي
ريم: ام بطنين ما يبين عليك
دخل خالد: ها طافني شي
شهد: لالا توها بادية
المباراة بهدو نسبي مع دخول اول قول لنادي الهلال بدت
خالدبصوت فجر البيت: قوووووووووووووووووووووووووووول
البنات تو يستوعبون قامو يصارخون ويناقزون
بدخول الجدة شيخة: الله يصلحكم يعيال وش ذا صجيتو راسي
خالد: اسفين جدة من الحماس
الجدة: الله ما كثر التلفزيونات بهالبيت ما لقيتو الا الي جنب حجرتي
ريم: لا جدة هذا اكبر شي
الجدة: طيب ها كم النتيجة
ريم: واحد صفر لنا
عهد: جدة من تشجعين
الجدة : وانا وش عرفني كلة من خويلد صجني بالكورة
خالد:اشش هجمة شكلة قول ثاني
شهد:لااا بالعارضة
وانتهت المباراه
خالد: ها بنات بمانسبة الفوز شتبون هديه
عهد: اممم نبي نوح دبي هالويك اند
ريم: فكرة, حتى في فيلم يحكوا عنه البنات بروح اشوفة
خالد: افا عليكم صار, كم اخت عندي كلهم ثلاث وغاثيني بالدنيا
ريم: اصلا من يحصلة خوات مثلنا
عهد: ما على منكم انا رايحة اقول لصاحباتي
شهد: حتى انا بشوف يوصوني على شي مناك
خالد: هههه من الحين خساير الله يعيني عليكم بس

نهاية البارت 2

هل ستستمر حيات ابطالنا بهذا الشكل؟
او هو الهدوء ما قبل العاصفة

البارت الثالث

في بيت العم فهد
كان فهد جالس بمكتبة منغمس باشغالة ويقلب الملفات والاوراق , قطع علية سكونة صوت الباب
طق طق طق
فهد وهو مازال على وضعة: مين
طلت براسها من وراء الباب : انا بابا ممكن ادخل
رفع راسه وابتسم: أي بابا حياك تفضلي
عهد : بابا طلبتك
فهد: ههه افا يا بنيتي انتي تامرين امر كم شهودة عندي انا
عهد عصبت: بابا انا عهد معقولة ما تفرق بيننا
فهد وهو كان عارف بس يحب ينرفزها: يووه انتو الي تخربطون من قالقكم صيروا تؤام
عهد: لا والله, المهم ترا بنروح لدبي هالويك اند
فهد رجع يطالع بالاوراق الي معة: لا مقدر هالاسبوع مشغول مرة
عهد: بابا خالد الي بيودينا
فهد:اذا كذا ما يخالف روحوا انبسطوا.
عهد بابا مانسيت شي. وتفرك اصبعها السبابة بالابهام
فهد: ههه اف شلون نسيت . بس شكلكم مقحطين
عهد: يعني تقريبا
فهد: خلاص اليوم بحول على حسابكم كل وحدة 10 الاف
عهد: خير 10 الاف ايش؟
فهد: 10 الاف ريال طبعا
عهد: بابا من صدقك اقولك مسافرين وتقولي 10 الاف شبتكفي
فهد:والله هذا الموجود واذا ما تبينهم عادي رجعيهم ما اقول لا
عهد: يالله الشكوى لله 10 احسن من ولا شي. وطلعت وصفقت الباب وراها
فهد" هههه احسن خلهم يتعلمون شوي"
عهد طلعت من عند ابوها وعفاريت الارض تتنطط قدام وجهها
الا بشهد طالعة بوجهها : ها بشري ابوي وافق
عهد: أي وافق بس شلفايدة ما عطانا الا20 الف
شهد: الكل وحدة
عهد: لا يا حضي لنا كلنا
شهد: لا يكبر الفشيلة والبنات الي وصوني على هدايا
عهد: أي والله فشلة وما تنترقع
شهد: عهودة نسيتي الكريدت اللمت حقة 200 الف بيكفي وزود
عهد: لا والله نسيتي انا خلصناها وما عاد باقي غير 15 الف
شهد: اف صدق توهقنا. جد ما توقعت ابوي بخيل لذي الدرجة
عهد: لا ولا يهمك انا بدبرك ان شاء الله ورفعت السماعة ودقت على خالد
عهد: الو
خالد: الو هلا عهودة شفيك معصبة لا تقولين خالي ما وافق لا حسافة خلاص اعوضها لكم بسفرة احلى المرة الجايه
عهد: هي هي صبر وين طيرتني لا وافق
خالد: اجل شفيك معصبة
عهد: لانو خالك المحترم ما عطانا ولا فلس
خالد: لا افا عليك عهودة وانا وين رحت
عهد بفرحة: صدق خلود .
خالد: اولا لا تقولينلي خلود, وثانيا ياني بذلك ذل على ما اعطيك ريال
عهد: اقول صدق ما تنعطى وجه . طرخ سكرت السماعة بوجهه
شهد: ها بشري
عهد: انتي من جدك بذمتك خلود عمرة قال لاحد لا
شهد: هه أي والله ياحظ الي بتاخذة
عهد: ههههه الله يعينة لو اخذ نوره
شهد: هههههه حرام عليكي والله انها تهبل
قطع عليهم صوت جوال عهد
رفعت عهد الجوال: الو
خالد: الو
ثاني مرة لا تسكرين الجوال بوجهي قبل لا اكمل كلامي ترا جدي قال ما في سفر
الا لما تاخذون نوف وياكم فاتصلي عليها وقوليلها طرخ بوجهها
عهد: ها الحيوان داق علشان يسكر بوجهي انا اوريه شغلة هين
شهد: هي هي شفيك تكلمين نفسك مجنونة من الي دق عليك
عهد: أي صح ذكرتيني خالد يقول جدي يقول ما في روحة الا نوف معكم.
شهد: ليه خير انشالله شمعنا نوف يعني
عهد: ما تعرفين الديباجة اختكم مسكينة ما عندها خوات وحسبة يتيمة والخ الخ
شهد: أي والله صكو روسنا فيها . المهم ترا مالي دخل فيها ماني متصلة عليها انتي كلميها
عهد: ولا انا لي خلقها بقول لريم والله يعينها عليها

وقالوا لريم وبعد اقناع شديد ومحاولات من ريم اقتنعت نوف انها تروح معهم بشرط انهم ما يعلقون على لبسها

يوم الاربعاء
في المطار
كانو قاعدين وينطرون موعد الاعلان لرحلتهم كانوا البنات كلهم لابسات لثامات عدا ريم الي بس متحجبة
لان شكلها
ما يوحي ان عمرها اكثر من12 سنة , اما نوف فكان شكلها ملفت جدا بالعباية
الضيقة الي مفصلة جسمها و كلها زخرفة والاوان هذا غير اللثمة الي تبين
اكثر ما تستر والمكياج الكامل على العيون وشوي من الشعر طالع
خالد مسك ريم من يدها : ريوم كلمي هاذي فضحتنا الكل يطالع فيها وين قاعدين
ريم: خالد تكفى مالنا شغل فيها ترى بالياله اقنعناها تجي
خالد: لا حول ولا قوة الا بالله
ريم: طيب خلاص فكني
خالد: لا ياحبيبتي امى قالت خلك ماسك يد اختك لا تضيع
ريم: ليش شليفيني بزر عندكم
خالد: ههه ليش انتى مو بزر ولف عليها وصار يقرصها مع خدودها يالبي الكبير يا ناس
ريم: خالد خلاص والله ابكي
خالد: هههه خلص مساح وهو يمسح وجهها بيدة ثم باسها على خدها : كذا اوك
ريم: اوكي سماح هالمرة بس المرة الجاية يا ويلك
نوف وهي قاعدة تراقبهم من بعيد ومستغربة تعامل خالد مع خواتة " وانا ليش مستغربة انا عندي اخوان ولا خوات عشان اعرف هالسوالف"
اعلونوا وقت الرحلة والكل ركب الطيارة واقلعت بسلام , خالد قاعد جنب ريم ويسولفون : تصدقين ريم ودي اقول لجدي نشتري طيارة خاصة
ريم: ليش الطيارة حنا دايم اذا كان في سفرة لكل العايلة نستاجر وحدة
خالد: ادري بس المثل هالحالات يعني ما يصير نقعد بوسط الناس وممكن نصادف احد يعرفنا ويعني, فاموب معقولة بعد طول السنة نقعد نستاجر
ريم :أي والله صادق

وهبطت الطائرة على ارض الامارات الحبيبة
بعد ما خلصو الاجرائات واستلموا الشنط , طلعوا من المطار وكان بستقبالهم سيارة رولز رايس , ركبوا السيارة متوجهين للفندق.
عهد: خالد حاجزلنا ببرج العرب
خالد: طبعا
شهد: اجل ليش ما رحنا بالهليكبتر
ريم: لا يمة أي هليكبتر انا وحدة اخاف
عهد: حتى انا
شهد: جبانات شتسوى الحياة بدون اكشن
عهد: اتوقع ما راح يوديك بداههية الا هالاكشن الي عايشة فية
ريم: ههههه والله انك صادقة
خالد: اسمعوني الحين بنوصل الفندق حركات الدلع وتعبانة بنام ما عندي لكم ساعة وحدة تبدلون وترتاحون بعدها بنفرفر دبي كلها اوكي
ريم وشهد وعهد: اوكي
عهد: طبعا اوكي هذا الي نبية اصلا
خالد: اجل طبحوا وصلنا

في المملكة العربية السعودية
في بيت الجد تحديدا
دخل عبدالله البيت وشاف امة قاعدة بالصالة وتتصفح احدى مجلات الازياء: سلام وراح باس امة علة راسها
سارة: هلا وعليكم السلام, شفي وجهك اصفر شكلك تعبان
عبدالله: افا عليك يمة الي يشوف وجهك هالقمر ينسى التعب كلة
سارة: ما اشوف منك انت واخوك الا هالكلام
عبدالله: افا يمة امري تدللي كم سارة عندي انا
سارة: ما يامر عليك عدو انت الحين وش قاصرك عشان ما تتزوج
عبدالله: شفيك يمة قلبتي صرتي مثل جدتي اثرت عليك
سارة: والله هاذي امنيتي انا وجدتك
عبدالله: لهدرجة تبون الفكة مني بس ياللة ما يخالف, بعدين انتو جبتوا العروس الي على مواصفاتي وانا قلت لا
سارة: انت الي مواصفاتك تعجيزية تبي بنت ناس وعايلة واخلاق وجميلة ومدينة وين نحصل كل هاذي
عبدالله: والله هذا الي ابية موجود اهلا وسهلا مو موجود ماني مستعجل على شي
سارة: الله يصلحك بس
عبدالله: امين, الا صدق يمه وين ابنات ما اشوف صدجتهم اليوم غريبة
سارة: مسافرين
عبدالله: أي صح ذكرت اجل يلا
سارة: غسل ايدينك وتعال الغدا بعد شوي يحطونة
عبدالله: ان شاء الله

في دبي
خالد واقف عند شباك التذاكر:شسم الفلم الي تبونة
عهد:2012
خالد: اف معقولة ما في الا اربع تذاكر, يلا ما يخالف جيبهم
خالد: ترا ما راح ادخا معاكم ما في الا اربع تذاكر
ريم: لا
نوف: لا عادي روح انا مابي ادخلة اصلا
خالد: لا ادخلى انا مو مشكلة
نوف: مابي ادخل مو غصب
خالد: ولا انا راح ادخل ريوم هاك التذاكر وادخلوا
ريم: اوك
اخذوا البنات التذاكر ودخلوا الفلم

توجهوا خالد ونوف لكافي وقعدوا فية
خالد: نوف ليش ما تسولفين مع البنات وتستانسين اذا مستحية مني قولي
نوف: لا عادي انا طبعي كذا بهاللحظة رن جوال نوف بغنية تفشل منها خالد ودنق راسة
نوف: استحت بس يوم شافت المتصل اختبصت اكثر وقامت من مكانها : عن اذنك
خالد:
تفضلي ," معقولة نوف تكون من النوعية هاذي من البنات, وليش لا كل الاشياء
تدل على هالشي , لالا شهالتفكير البنات يحبو يتكشخون ويلفتون الانتباه وهي
مالقت من يوجهها "
راحت نوف مكان بعيد وردت :هلا طلال
طلال : هلا بالي مزعلتني بس مقدر اجافيها
نوف: هههه وليش بالله مزعلتك

طلال: واعدتني امس تطلعين معاي , واخرتها ما تردين على تليفوناتي
نوف: والله طلول امس قالولي بنسافر وقعدت اجهز اغراضي
طلال: مع من مسافرة
نوف: مع اهلى طبعا اجل مع من
طلال"أي
هين مصدقك:" اها دام كذا عاذرك <<(دايما تفكير الشباب عن البنت الي
تعطيهم وجه قذر لو تستوعب مدى وساخة تفكيرهم ما تتجرأ انها تفكر تكلمهم)
نوف: طيب حبيبي تبي شي من دبي
طلال: لا حياتو تكفيني شوفتك سالمة
نوف:اوك باي
طلال: باي
كان طلال قاعد بجنب الوليد بالاستراحة الي متعودين يجونها كل اسبوع
الوليد: ها طلول جو جديد
طلال: أي والله جو خطير
الوليد: ههه ابي افهم بس من وين تحصل هالبنات
طلال :
عادي تلقى هاذي متعرفين عليها نص شباب الرياض , وثلاث ارباع الي قاعدين
هنا يعرفونها, اما انت تحب البنت الي تكلمها تكون اول مرة تكلم مدري
شالحكمة
الوليد:
ياذكي البنت الي اول مرة تكلم تصدقك وتحبك فتاخذ منها كل الي تبي , اما
الي مكلمة عشر طعش واحد عارفة حركات الشباب والاعييبهم
طلال: والله انك طلعت خبيث,
الوليد: ههه بعض مما عندكم

شكرا حببي واصلي الابداع

وااااااااااااااااو قريته من أولها لآخرها مشكووووورة